ОРАЛ. ҚазАқпарат - Оралда әйелдің өліміне байланысты күдікті ұсталды, деп хабарлайды ҚазАқпарат тілшісі.
БҚО ІІД баспасөз қызметінен түскен мәліметке қарағанда, жедел іздестіру шаралары барысында 1990 жылғы А. деген күдікті құрықталып, Орал қалалық ішкі істер басқармасының уақытша оқшаулау изоляторына қамалды.
Қазіргі кезде оның басқа да қылмыстарға қатыстылығы тексерілуде.
Аталған оқиға бойынша БҚО ішкі істер департаменті тергеу амалдарын жүргізуде.
Зорлықпен өлтірілген 1968 жылғы Ж. есімді әйелдің мүрдесі кеше сағат 08.30-да Алматы көшесі 154-үйдің ауласынан табылған болатын.
Тұрғындардың сөзіне қарағанда, әйел жеке кәсіпкерлікпен айналысқан.
Оның қолында «Кактус» түнгі клубының білезігі болған. Яғни марқұм сол күні түнде аталмыш түнгі клубқа барған.
Еске сала кетейік, Оралда кеше таңертең әйелдің мүрдесі табылғаны жөнінде жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).