ОРАЛ. ҚазАқпарат – Оралда бір жасар қыз сүйек жұтып қойған, деп хабарлайды ҚазАқпарат тілшісі.
БҚО денсаулық сақтау басқармасының баспасөз қызметі мәлім еткеніндей, оқиға кеше түс мезгілінде болды.
Тамақ ішіп жатқан кезде сүйек жұтып қойған бір жасар қыз облыстық көпбейінді ауруханасына түскен. Дәрігерлер екі сағат бойы арпалысып, сүйекті әрең дегенде қыздың тыныс жолдарынан алып шықты.
Қазір сәби қыз жансақтау бөлімінде. Оны облыстық көпбейінді балалар ауруханасына ауыстыру мәселесі шешілуде.
Еске сала кетейік, бұдан бұрын Ақсайда аяғына оқ тиген 25 жастағы жігіттің ауруханаға түскенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).