ОРАЛ. KAZINFORM – Орал қаласында Әбілқайыр хан даңғылында «Жайық» дүкенінде өрт болды.
Фото: БҚО Тқтенше жағдайлар департаменті
БҚО ТЖ департаментінің баспасөз қызметінен мәлім еткеніндей, дүкенде азық-түлік өнімдерінің жанып жатқаны жөнінде 4 қараша күні сағат 07.48-де хабар түскен.
Фото: БҚО Төтенше жағдайлар департаменті
«Дүкен бес қабатты тұрғын үйдің бірінші қабатында орналасқан. «Тілсіз жау» сағат 08.27-де оқшауланып, 08.41-де ауыздықталды. Зардап шеккендер жоқ. ТЖД күштерімен 20 адам эвакуацияланса, соның төртеуі – балалар. 30 адам тұрғын үйден өздері шықты. Өртті сөндіруге жеке құрамнан 29 адам, 9 техника жұмылдырылды. Қазіргі кезде оқиғаның себеп-салдары, келтірілген шығын анықталу үстінде", деп хабарлады ведомстводан.
Еске сала кетейік, бұдан бұрын Оралда өрт болған сауда орталығынан 150 адамның сыртқа шыққанын жазған едік.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).