ОРАЛ. ҚазАқпарат – Орал қаласында екі күнде 2 ер адамның мүрдесі табылды, деп хабарлайды ҚазАқпарат тілшісі.
БҚО полиция департаментінің баспасөз қызметінен мәлім еткендей, бірінші оқиға 11 шілде күні болған.
Сағат 17.30-да Исатай-Махамбет көшесі 79-үйдің жанынан 68 жастағы ер адамның мүрдесі табылды. Оның денесінде зорлық-зомбылық белгілері болмаған.
Аталған азамат биылғы 4 маусымнан бастап із-түзсіз жоғалып кетіп, іздестірілген.
Сондай-ақ 12 шілде күні сағат 10.30-да Х.Чурин көшесі бойындағы үйдің пәтерінен 63 жастағы ер адамның денесі табылды.
Мәйіт сот-медициналық сараптамаға жіберілді.
«Екі дерек те сотқа дейінгі тергеп-тексерудің бірыңғай тізілімінде тіркелді», деп хабарлады ведомстводан.
Еске сала кетейік, бұдан бұрын Оралда автокөлік қағып кеткен 64 жастағы ер адамның мерт болғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).