ОРАЛ. ҚазАқпарат - Орал қаласында ер адам өзіне-өзі қол жұмсады, деп хабарлайды «ҚазАқпарат» тілшісі.
БҚО ІІД баспасөз қызметінен түскен мәліметке қарағанда, оқиға 27 желтоқсан күні сағат 18.00 шамасында қалаға қарасты Деркөл кентіндегі 2-ПДП-дан (жаңадан салынған шағынаудан) 2 км жердегі орман арасында болған. Сонда 1984 жылғы Р. есімді ер адам асылып қалған. Алдын ала болжам бойынша ол тума-туысқандарымен сөзге келгеннен кейін осындай қадамға барған.
Мүрде сот-медициналық сараптамаға жіберіліп, Орал қалалық ішкі істер басқармасы тергеу амалдарын жүргізуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).