ОРАЛ. ҚазАқпарат – Оралда газдан уланған ер адам қаза тапты, деп хабарлайды ҚазАқпарат тілшісі.
БҚО денсаулық сақтау басқармасының баспасөз қызметі мәлім еткендей, оқиға 31 қаңтар күні 1 саяжай ауданында «Елочка» саяжай қоғамдастығында болған.
Жедел жәрдем сағат 15.50-де шақырылды.
1963 жылғы ер адам жедел жәрдем келгенге дейін көз жұмды. Газдан уланған 1995 жылғы ер адам қалалық көпбейінді ауруханаға жеткізілді.
Жеңіл дәрежеде газдан уланған 1997 жылғы қыз ауруханаға жатудан бас тартты.
БҚО ТЖ департаменті болған оқиғаны растап, мән-жайы нақтыланып жатқанын жеткізді.
Еске сала кетейік, бұдан бұрын Оралда жеке тұрғын үй өртенгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).