ОРАЛ. ҚазАқпарат - «КазАрмаПром» АҚ зауытында 106 қару балқытылды, деп хабарлайды ҚазАқпарат тілшісі.
БҚО ішкі істер департаментінің баспасөз қызметінен алынған мәліметке қарағанда, соның ішінде 88 аңшы мылтығы, 15 газды тапанша, 1 шолақ мылтық, 1 травматикалық және пневматикалық тапанша балқыту пешіне түсті.
Сондай-ақ 7 электрошокер, 2 пышақ, 1 балта мен ара да бар. Бұлар - тәркіленген, сонымен қатар тұрғындар өз еркімен тапсырған және табылған қарулар.
Балқытылған қарудан 180 кг металл алынды.
Арнайы комиссия қарудың жойылғаны жөнінде акт жасады.
Еске сала кетейік, тұрғындардан қару сатып алуға өткен жылы республикалық бюджеттен БҚО-ға 8 млн астам теңге бөлінсе, биыл 5 млн астам теңге қаралып отыр.
Биыл бұл шара өңірде 10 сәуірде басталды. Тапсырылған, оған қоса тәркіленген қарулар жойылып отырылады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).