ОРАЛ. ҚазАқпарат - 16 сәуір күні Орал қалалық ішкі істер басқармасы Абай полиция бөлімі жергілікті полиция қызметі учаскелік полиция инспекторына «Родник» саяжай қоғамы тұрғынынан 2008 жылғы ұлын ит қауып алғаны жөнінде хабар түскен.
БҚО ІІД баспасөз қызметінің хабарлауынша, аталған дерек бойынша иттің иесі анықталып, ол ҚР Әкімшілік құқықбұзушылық кодексінің 408-бабы 2-бөліміне сәйкес әкімшілік жауапкершілікке тартылды. Сөйтіп «иті қарап жүрмеген» тұрғынға 10 АЕК көлемінде айыппұл салынды.
Еске сала кетейік, бұдан бұрын 25 ақпан күні қала төңірегіндегі Зеленов ауданы Мичурин ауылында қабаған ит алты жасар қыз баланың құлағын жұлып алып, оның иесіне де әкімшілік айыппұл салынған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).