ОРАЛ. ҚазАқпарат – Оралда із-түзсіз жоғалып кеткен 21 жастағы жігіт үш күннен бері іздестіріліп жатыр, деп хабарлайды ҚазАқпарат тілшісі.
БҚО полиция департаментінің баспасөз қызметінен мәлім еткеніндей, 21 жастағы Фархат Кәкимуллиев 21 желтоқсан күні шамамен сағат 22.00-де Деркөл кенті Б.Майлин көшесі 15-мекенжайындағы үйінен шығып кеткен.
Содан үйіне оралмаған, жұмыс істемейді. Туыстары 24 желтоқсанға қараған түні полицияға арыз түсірген.
Белгілері – бойы 165-170 см, арықша келген. Үстіне қара пальто, қара баскиім (фуражка), сұр джинсы, аяғына қара түсті бәтеңке киген. Өзінде 8-706-820-20-01 нөмірлі ұялы телефоны болған.
«Көрген-білген адамдар болса, 102, 8-711-2-98-45-30 телефонына қоңырау шала алады», деп хабарлады ведомстводан.
Еске сала кетейік, бұдан бұрын Оралда автокөлік аялдамаға соғысып, 64 жастағы жүргізушінің ауруханаға жеткізілгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).