ОРАЛ. KAZINFORM – Оралда қалалық сот төрағасы Руслан Жұмағұлов пара алу кезінде ұсталды. Бұл ақпаратты Kazinform агенттігіне өз ақпарат көздері растады.
Сот төрағасымен бірге екі адвокат Әділ Ахмулдин мен Нұржігіт Фазылғалиев те қолға түскен.
1,5 млн теңге көлеміндегі пара сотталған азаматқа қатысты оң шешім қабылдау үшін бағытталған.
БҚО прокуратурасының баспасөз қызметі ақпаратты өкілетті орган – ҰҚК департаменті беретінін жеткізді.
Р.Жұмағұлов 2019 жылдан бері қалалық сот төрағасы болып жұмыс істеген.
Еске сала кетейік, бұдан бұрын БҚО-да Шекара қызметі департаментінің бөлім басшысына айыппұл салынғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).