ОРАЛ. ҚазАқпарат – Оралда кісі тонап, 44,5 млн-нан астам теңгені жымқырып кеткендер ұсталды, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға Еуразия даңғылы 49-үйде орналасқан ақша айырбастау пункті маңында орын алды.
Белгісіз біреулер 28 ақпан күні сағат 21.00-де ақша айырбастау пунктінің 1965 жылғы директорына газ баллонын шашып, ақша салынған қара түсті былғары сөмкесін алып кеткен.
Келтірілген залал 44,513 млн теңгені құрады.
Жедел іздестіру шаралары барысында Орал қаласының 1994, 1994 және 1985 жылғы тұрғындары анықталып, ұсталып, сот санкциясымен қамауға алынды.
1995 жылғы төртінші күдікті іздестірілуде.
Күдіктілер ұрланған қаржыға екі автомобиль, ұялы телефондар және басқа заттар сатып алып үлгерген.
Қазіргі кезде ҚР ҚК 191-бабы 4-бөлігіне (адамдар тобының алдын ала сөз байласуымен жасалған тонау) сәйкес тергеу амалдары жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).