Оралда көктайғаққа байланысы қоғамдық көліктер тоқтатылды
ОРАЛ. KAZINFORM – Оралда қолайсыз ауа райына байланысты барлық бағыттағы қоғамдық көлік жергілікті сағат 11.00-ге дейін тоқтатылды.
Фото: Kazinform
Орал қаласы әкімдігінен мәлім еткеніндей, қазіргі уақытта көшелерге құм-тұз қоспасы себілуде.
«Жолдар қалыпқа келген соң, қоғамдық көлік автобустары желіге шығады. Уақытша қолайсыздық үшін кешірім сұраймыз», - делінген хабарламада.
Сонымен қатар Орал қаласы білім беру бөлімі көктайғаққа және қоғамдық көліктердің тоқтауына байланысты 1 ауысымда сабақтың онлайнға ауыстырылғанын жеткізді.
Фото: Kazinform
Тұрғындардың сөзіне қарағанда, қоғамдық көліктердің жүрмеуіне байланысты такси бағасы шарықтап кеткен.
Еске сала кетейік, бұдан бұрын Батыс Қазақстанда ауа райының нашарлауына байланысты 7 жол учаскесі жабылғанын жазған болатынбыз.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).