ОРАЛ. KAZINFORM - Орал қаласының өндірістік аумағында орналасқан көлік жөндеу орталығында өрт шықты.
БҚО ТЖ департаментінің баспасөз қызметінен мәлім еткеніндей, өрт жөнінде сол тұстан өтіп бара жатқан адам 30 қаңтар күні сағат 05.58-де хабарлаған.
Жоғары ранг бойынша жедел жеткен өрт сөндірушілер техникалық қызмет көрсету бекетінде алты бокстың үшеуі отқа оранғанын анықтады.
- Өрт сөндірушілер жедел қимылдап, жалынның ғимаратқа түгел таралуына тосқауыл қойды. Олар екі автокөлікті алып шықты. Ал үшеуі жанып кетті. Өрт 250 шаршы аумақта сөндірілді. Автосервистің жалпы ауданы - 480 шаршы метр, - деп хабарлады ведомстводан.
Еске сала кетейік, бұдан бұрын БҚО ТЖ департаментінің бастығы қызметінен босатылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).