ОРАЛ. ҚазАқпарат - Оралда көп қабатты үйге қойылған «бомба» жалған болып шықты, деп хабарлайды «ҚазАқпарат» тілшісі.
БҚО ІІД баспасөз қызметінен түскен мәліметке қарағанда, кеше сағат 22.39-да «102» операторына 1981 жылғы Б. деген қала тұрғыны хабарласқан. Әйел белгісіз біреудің домофон арқылы звондап, С.Жақсығұлов көшесі 33-үйге бомба қойылғанын жеткізген.
Осы оқиға бойынша арнайы қызмет орындары тексерген кезде ештеңе табылған жоқ.
Аталған дерек бойынша ҚР ҚК 273-бабына сәйкес (терроризм актісі туралы көрінеу жалған хабарлау) қылмыстық іс қозғалып, тергеу амалдары жүргізілуде.
Еске сала кетейік, Оралда көп қабатты үйдің тұрғындары түн ішінде эвакуацияланғаны жөнінде «ҚазАқпарат» жазған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).