ОРАЛ. KAZINFORM — Орал қаласында Ғ.Тоқай мен С. Есқалиев көшелерінің қиылысында диаметрі 150 мм су құбырында апат болды.
«Батыс су арнасы» ЖШС-дан мәлім еткеніндей, қазіргі кезде апатты жою жұмыстары жүргізіліп жатыр.
— Осыған байланысты қаланың орталық бөлігінде салқын су беру тоқтатылды. Атап айтқанда, Ғ.Тоқай көшесі 49, 49/1, 53, Н.Назарбаев даңғылы 166/2, 166, 168, Қ.Аманжолов көшесі 40, 51, 54, 54/1, 49, Н.Савичев көшесі 43/2, 43/1, 43-мекенжайлары судан ажыратылды. Апаттық-қалпына келтіру жұмыстары шамамен сағат 11.00-ден кешкі 20.00-ге дейін созылмақшы, — деп хабарлады ведомстводан.
Сонымен қатар «Жайықжылуқуат» АҚ-дан түскен мәліметке қарағанда, алдағы жылыту маусымына дайындық аясында М.Ықсанов көшесі 72/1-мекенжайы тұсында диаметрі 108 мм құбырдың 130 метрлік бөлігі 18-28 тамыз аралығында күрделі жөнделеді. Осыған орай ыстық су беру жүйесінде уақытша қолайсыздықтар туындауы ықтимал.
Еске сала кетейік, бұдан бұрын Оралда жылу құбырының жөнделуіне байланысты 11 мекеме ыстық судан ажыратылғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).