ОРАЛ. ҚазАқпарат – Орал қаласында құбыр шахтасынан ер адамның денесі табылды, деп хабарлайды ҚазАқпарат тілшісі.
БҚО полиция департаментінің ресми өкілі Болатбек Нұрғожиннің айтуынша, оқиға 11 ақпан күні Н. Назарбаев даңғылы, 235-үй маңында болған.
«Сағат 10.16-да «Нан зауыты» аялдамасының артқы жағында жылу құбырының шахтасынан 1978 жылғы ер адамның мүрдесі шығарылды. Оның денесінде зорлық-зомбылық белгілері жоқ. Марқұм соңғы кезде қаңғыбастыққа салынған. Сараптама тағайындалды, нәтижесіне сәйкес қаралады», - деді ҚазАқпарат тілшісіне Б. Нұрғожин.
Еске сала кетейік, бұдан бұрын БҚО-да оқ жарақатынан қаза тапқан тұрғынның мүрдесі табылғанын жазған едік.
Сондай-ақ, БҚО-да тұрғын іздестірілуде жүрген автокөлікті заңдастырмақ болған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).