ОРАЛ. ҚазАқпарат - Оралда лифт шахтасына құлап кеткен ер адам құтқарылды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 2 шілде күні С.Есқалиев көшесі 305-мекенжайында орналасқан «Мегастрой» сауда үйінде болған.
Сағат 15.07-де сауда үйінің лифт шахтасына адам құлап кеткені жөнінде хабар түсті.
Оқиға орнына шұғыл жеткен жедел құтқару жасағының құтқарушылары 1972 жылғы М. есімді тұрғынды альпинистік құралмен алып шықты.
Жұмыс сағат 15.54-те толықтай аяқталды.
Құтқарылған азамат жедел жәрдем қызметкерлеріне берілді.
Еске сала кетейік, бұдан бұрын БҚО-да ер адамның суға батып кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).