ОРАЛ. ҚазАқпарат - Оралда бүгін полицияның «Нива» автокөлігі «Sharanмен» түйісті, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға сағат 10.40 шамасында Достық пен Еуразия даңғылдарының қиылысында болды.
Жол-көлік оқиғасы салдарынан ешкім зардап шеккен жоқ.
Оқиғаға куәгер болғандар полиция қызметкерлерінің әріптестерінің келуін күтпей, өз көлігін орнынан қозғап, алып кеткендігін жеткізді.
Бұған департаменттің баспасөз қызметі: «Полиция қызметкерлері оқиға орнынан бой тасалаған жоқ. Тек басқа көліктердің қозғалысына кедергі келтірмеу үшін жолдан қызметтік көліктерін алды. Оқиға орнында полиция қызметкерлері жұмыс жасады. Аталған дерек Орал қаласы полиция басқармасының есеп журналында тіркелді», деп жауап берді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).