ОРАЛ. KAZINFORM – Орал қаласында суға кеткен саяжай аумақтарын дезинфекциялау жұмыстары жүргізіліп жатыр.
Орал қаласы әкімдігінен мәлім еткеніндей, кеше басталған дезинфекциялау жұмыстарына шаһардың төтенше жағдайлар басқармасы және Ақтөбе қаласындағы ҚР ТЖМ радиациялық, химиялық және биологиялық қорғау 20982-әскери бөлімінің қызметкерлері жұмылдырылған.
«Күні бүгін қалаға қарасты Деркөл кенті аумағындағы саяжайлар зарарсыздандырылып жатыр. Кеше 10 мың шаршы метр аумақ дезинфекцияланған. Мамандар мұндай жұмысты суға кеткен саяжайларда кезекпен жүргізетін болады. Сонымен қатар саяжайлар учаскелерінде су сору жұмыстары жалғасып жатыр», - деп хабарлады ведомстводан.
Еске сала кетейік, бұдан бұрын Орал қаласында 350-ден астам саяжай үйі тұруға жарамсыз екендігін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).