ОРАЛ. ҚазАқпарат - Оралда жолаушылар автобусы автокөлікпен соқтығысып, екі адам жарақат алды, деп хабарлайды ҚазАқпарат тілшісі.
Оқиға бүгін қалаға қарасты Деркөл ауылында болды.
«Памятник» аялдамасы тұсында №7 бағытпен жүретін автобус «Лада Гранта» автокөлігімен соқтығысқан.
Соның салдарынан жеңіл көлікте болған екі адам жарақат алды.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдем сағат 14.02-де шақыртылды.
1978 жылғы әйел мен 1999 жылғы қыз облыстық көпбейінді ауруханаға жеткізілді. Алдын ала мәлімет бойынша олар жабық бас-ми жарақатын алған.
Еске сала кетейік, бұдан бұрын Оралда автокөлік жолаушылар автобусымен соқтығысып, екі адамның ауруханаға ауыр жарақатпен түскенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).