ОРАЛ. KAZINFORM — Орал қаласына қарасты Круглоозерный кентінде 10 жастағы бала подстанцияда токқа соғылып қалды.
БҚО полиция департаментінің баспасөз қызметінен мәлім еткеніндей, қайғылы оқиға 1 қыркүйек күні болды.
Бала сол жерде жан тапсырған.
Қазіргі кезде осы оқиғаға байланысты қылмыстық іс қозғалып, сотқа дейінгі тергеу амалдары жүргізіліп жатыр.
Басқа ақпарат ҚР Қылмыстық іс жүргізу кодексінің 201-бабына сәйкес жария етуге жатпайды.
— Полиция ата-аналар мен заңды өкілдерге балаларға қауіпсіздік ережелерін түсіндіру қажеттігін еске салады. Подстанциялар мен электрмен жабдықтаудың басқа да нысандары адам өмірі мен денсаулығы үшін қауіпті саналады. Сондықтан мұндай нысандар аумағына жасөспірімдердің кіруіне қатаң тыйым салу керек, — деп хабарлады ведомстводан.
Күні бүгін оқиғаның толық мән-жайы анықталу үстінде.
Еске салайық, бұдан бұрын Оралда қызды ұрған ер адамға қатысты қылмыстық іс қозғалғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).