ОРАЛ. ҚазАқпарат - Оралда 9 жасар бала балалар алаңында тренажер сымына оралып қалып, тұншыққан, деп хабарлайды ҚазАқпарат тілшісі.
БҚО Полиция департаменті баспасөз қызметінен түскен мәліметке қарағанда, оқиға 25 қыркүйек күні У.Громова көшесі бойындағы аулалардың бірінде болды.
2012 жылы туған бала абайсызда құлап кетіп, темір тренажердің бірінің сымына оралып қалған.
Ол тұншығу диагнозымен қалалық көпбейінді ауруханаға жатқызылды.
БҚО Денсаулық сақтау басқармасының баспасөз хатшысы Айнагүл Сақпосынованың нақтылауынша, жансақтау бөлімінде жатқан бала – ес-түссіз күйде. Жағдайы өте ауыр.
Полиция департаменті ата-аналарға балаларын қараусыз қалдырмауды ескертеді.
Еске салайық, бұдан бұрын Оралда 3 жасар қыз бесінші қабаттағы терезеден құлап кеткенін жазған болатынбыз.
Иллюстрациялық фото
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).