ОРАЛ. ҚазАқпарат - Оралда ішкі істер департаментінің жергілікті полиция қызметкерлері 19-21 ақпан күндері жүргізген рейдтік шаралар кезінде 632 жол ережесін бұзушылық анықталды.
Жергілікті полиция қызметінен түскен мәліметке қарағанда, соның ішінде 129 жүргізуші жылдамдықты шектен тыс арттырғаны, 26-сы мас күйінде көлік айдағаны, 13-і қозғалу ережесін бұзғаны, 52-сі қауіпсіздік белбеуін тақпағаны, 12-сі ұялы телефонмен сөйлескені, 30-ы әйнекті күңгірттегені, 28-і автомобиль салонынан қоқыс лақтырғаны үшін тоқтатылды.
Қоғамдық тәртіпті бұзғандарға қатысты 163 әкімшілік хаттама толтырылды.
Уақытша бейімдеу орталығына қатты мас күйінде 51 адам жеткізілді. Сондай-ақ заңды өкілінің қарауынсыз түнде жүрген 2 жасөспірім анықталды.
Сонымен қатар жергілікті полиция қызметі осы мерзімде 4 ауыр қылмыстың ізін суытпай ашса, соның екеуі - қарақшылық, біреуі - кісі тонау, тағы бірі - бопсалау.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).