ОРАЛ. ҚазАқпарат – Оралда жанар-жағар май құю бекетінің жанында жүк көлігі өртенді, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 23 қазан күні сағат 22.03-те Сырым Датұлы 51-мекенжайында болды.
«Меркурий» жанар-жағар май құю бекетінің жанында 2014 жылы шығарылған «МАЗ» жүк көлігінің кабинасы мен қос жартылай тіркемесі отқа оранды.
Сағат 22.22-де сөндірілген өртті ауыздықтауға 9 адам, 3 техника жұмылдырылды.
Автокөлік иесі, өрттің шығу себебі, келтірілген шығын анықталуда.
Еске сала кетейік, бұдан бұрын Оралда монша кешені мен «Талисман» дүкені өртенгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).