ОРАЛ. ҚазАқпарат - Оралда топ болып төбелескен бес адам полицияға жеткізілді, деп хабарлайды ҚазАқпарат тілшісі.
БҚО полиция департаменті баспасөз қызметінен түскен мәліметке қарағанда, оқиға 27 маусымда сағат 16.50-де болды.
Автобустан қала орталығындағы әмбебап дүкені аялдамасынан түскен адамдар төбелесіп қалған.
Бес адам Абай полиция бөліміне жеткізілді. Соның ішінде екеуі мас күйінде уақытша бейімдеу және детоксикация орталығына орналастырылды.
Қазіргі кезде оқиғаның мән-жайы анықталып жатыр. Құқық бұзушыларды әкімшілік жауапкершілікке тарту қарастырылуда.
Еске сала кетейік, бұдан бұрын Оралда ауруханада жатқан 65 жастағы ер адамның үшінші қабаттан секіріп , көз жұмғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).