Оралда жоғалып кеткен 15 жастағы қыз төртінші күн іздестіріліп жатыр
ОРАЛ. KAZINFORM — Орал қаласында 10 мамыр күні жоғалып кеткен 15 жастағы қыз таптырмай жатыр.
Фото: pixabay
БҚО полиция департаментінің баспасөз қызметінен мәлім еткеніндей, жасөспірім 10 мамыр күні сағат 15.30-да үйінен шығып кеткен. Содан бері іздестіріліп жатыр.
Әлеуметтік желіде жарияланған мәліметке қарағанда, Кәусар Тельманқызының бойы 160-165 см, орта бойлы, шашы қара.
Фото: instagram.com/uralsk_lider.kz
Жоғалған күні сұр түсті кофта, жеңсіз қара киім, көк джинсы және қара кроссовка киген.
Қызды көрген немесе оның жүрген жерін білетін адамдар болса, туысқандары мен еріктілер полицияға 102-ге немесе 7 777 184 04 90 және 7 705 798 68 68 телефон нөмірлеріне хабарласуды өтінеді.
Еске сала кетейік, бұдан бұрын Оралда 13-қабаттан құлаған жас жігіт мерт болғанын жазған едік.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).