ОРАЛ. ҚазАқпарат – Оралда жоғалып кеткен 65 жастағы ер адамның денесі үш күннен кейін табылды, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткендей, марқұмның мүрдесі 9 қыркүйек күні М.Шолохов көшесі бойынан табылды.
Мүрде сот-медициналық сараптамаға жіберілді. Денеде зорлық белгілері жоқ.
Ер адам 6 қыркүйек күні жоғалып кетіп, туыстары полицияға шағым түсіріп, іздеу салған еді.
Еске сала кетейік, бұдан бұрын Теміртауда жоғалып кеткен жасөспірім қыздың Батыс Қазақстаннан табылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).