ОРАЛ. ҚазАқпарат – Оралда жоғалып кеткен 71 жастағы ер адам екі күннен бері іздестіріліп жатыр, деп хабарлайды ҚазАқпарат тілшісі.
Туыстарының хабарлауынша, Иван Касаткин 13 қазан күні сағат 17.00-де «Айгүл» шағынауданындағы үйінен шығып кеткеннен оралмаған.
Алдын ала болжам бойынша Теректі ауданы Пойма ауылына қарай кетуі мүмкін.
БҚО полиция департаментінің баспасөз қызметі мәлім еткеніндей, туыстары кеше кешкісін полицияға арыз түсірген.
Басында ауытқуы бар ер адам бұдан бұрын да кетіп қалып, қайтып келіп жүрген.
Қазіргі таңда оны полиция қызметкерлері де іздестіруде.
Еске сала кетейік, бұдан бұрын Оралда жоғалып кеткен ер адамның орманда асулы күйінде табылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).