ОРАЛ. ҚазАқпарат - Оралда екі автокөлік соқтығысып, екі адам көз жұмды, деп хабарлайды ҚазАқпарат тілшісі.
БҚО полиция департаменті баспасөз қызметінен түскен мәліметке қарағанда, оқиға бүгін шамамен сағат 16.15-те Абай даңғылы бойында болған.
«Тойота» орталығы тұсында «Мерседес» пен «Лада Приора» автокөліктері түйісті.
Соның салдарынан «Лада Приора» автокөлігінің 36 жастағы жүргізушісі мен 21 жастағы жолаушы әйел қаза тапқан.
Қазіргі кезде ҚР ҚК 345-бабы 4-бөлігіне сәйкес сотқа дейінгі тергеу амалдары жүргізіліп жатыр.
БҚО полиция департаменті жүргізушілерге жол ережесін бұзбау керектігін еске салады.
БҚО денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдем сағат 17.05-те шақырылды.
22 жастағы жігіт медициналық көмектен бас тартты.
Еске сала кетейік, бұдан бұрын КамАЗ бен жеңіл көліктің соқтығысқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).