ОРАЛ. 24 желтоқсан. ҚазАқпарат - Жуырда Орал қаласындағы 5517-әскери бөлімге Ақмола, Жамбыл, Солтүстік Қазақстан облыстарынан азаматтық борышын өтеуге жаңа лек келді.
Ішкі әскерлердің «Батыс» өңірлік қолбасшылығы баспасөз қызметінен түскен мәліметке қарағанда, қазіргі кезде олар оқу пунктінде жас жауынгер курсынан өтуде. Осы заманғы казармаларда сарбаздардың спортпен айналысуына, бос уақытын мәнді өткізуіне барлық жағдай жасалған.
Бөлім командирі, подполковник Мамай Құрмантаев жаңа келгендерді әскери бөлім тарихымен таныстырды. Бөлім командирінің тәрбие және әлеуметтік-құқықтық жұмыстар жөніндегі орынбасары Серік Әлімбековтің басшылығымен, психолог, аға лейтенант Ақмарал Қожымбетовамен тереңдетілген психологиялық тестілер жүргізілуде. Оқу пунктінің бастығы, подполковник Ескендір Жігітов жаңадан келгендермен кезең-кезеңмен жиындар өткізуде.
Көп ұзамай жас сарбаздар ант қабылдап, әскери қызметтеріне кіріседі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).