ОРАЛ. ҚазАқпарат - Оралдық 41 жасар тұрғын 2 келі марихуананы пәтерінде сақтаған, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, аталған күдікті «Көкнәр-2019» жедел алдын алу шарасы барысында қолға түскен.
Тұрғынның пәтерінен арнайы пакеттерге салынған 1 кг 951 грамм марихуана табылған.
Қазіргі кезде ҚР ҚК 296-бабы 4-бөлігіне сәйкес (есірткі заттарын заңсыз сақтау) қылмыстық іс қозғалып, тергеу амалдары жүргізілуде.
Айта кетейік, «Көкнәр-2019» шарасы елімізде 1 маусымда басталды. Содан бергі бір ай ішінде өңірде есірткі заттарының заңсыз айналымына қатысты 23 қылмыстық және 15 әкімшілік құқықбұзушылық анықталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).