ӨСКЕМЕН. ҚазАқпарат – Шығыс Қазақстан облысындағы «Өскемен-Алтай» тасжолында жүк көлігі аударылып кетті, деп хабарлайды ҚазАқпарат тілшісі.
ШҚО Полиция департаменті баспасөз қызметінің мәліметіне сүйенсек, жол-көлік оқиғасы 12 қыркүйекте «Өскемен-Алтай» тасжолының 98-ші шақырымында болған.
«52 жастағы жүргізуші SHACMAN маркалы көлікті тізгіндеп келе жатты. Жылдамдықты рұқсат етілген шектен асырып жіберген ол аударылып түскен. Абырой болғанда, жол апатынан ешкім зардап шеккен жоқ», - деп хабарлады ведомство өкілдері.
Жүргізушіге қатысты ҚР Әкімшілік құқық бұзушылық туралы Кодексінің 610-бабы 1-бөлігіне сәйкес әкімшілік хаттама толтырылды.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.