ӨСКЕМЕН. ҚазАқпарат – Өскемен қаласында ақау шыққан жылу электр орталығында тағы бір қазандық іске қосылды, деп хабарлайды ҚазАқпарат тілшісі.
Өскемендегі жылу электр орталығынан мәлім еткендей, қазіргі уақытта жөндеу жұмыстары жүргізілген қазандықтардың бірі іске қосылған.
«Орталық штаттық режимде жұмыс істеп тұр. Тағы бір қазандық іске қосылды. Соның нәтижесінде, желілік судың температурасы көтерілді. Дәл қазіргі сәтте судың температурасы 95 градусты құрап отыр», - делінген ақпаратта.
Еске салсақ, 27 қарашада Өскемендегі жылу электр орталығынан ақау шыққан. Онда 7 қазандық пен 6 турбоагрегат бар.
2 қазандық агрегаты кестеге сәйкес жөндеуден өтіп жатқаны хабарланған еді.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.