Бұл соңғы күндердегі алғашқы жағдай емес. Бүгін таңертең осы шағын ауданда шамамен 2,5 мың абонент жарықсыз қалған болатын.
Бір апат толық жойылмай жатып, екіншісі тіркелді. «БЭСК» АҚ мәліметінше, апат 17:39–да «КШТ» 110/10 кВ қосалқы станциясында болған.
— 13 сәуір күні кешкі уақытта қолайсыз ауа райы жағдайына байланысты «КШТ» қосалқы станциясында Л-44 желісі апатты түрде ажыратылды. Соның салдарынан ЖМК шағын ауданының тұтынушылары — Сәтбаев даңғылы, Өтепов және Жастар көшелерінің тұрғындары, жалпы саны шамамен 2000 абонент жарықсыз қалды. Қазіргі уақытта арнайы бригада жөндеу жұмыстарын жүргізіп жатыр, — деп хабарлады компанияның баспасөз қызметінен.
Еске салсақ, осыған дейін Өскеменде 5 мыңға жуық абонент жарықсыз қалғаны хабарланған.