ӨСКЕМЕН. ҚазАқпарат – Өскемен қаласында жоғалып кеткен 15 жастағы бозбала табылды, деп хабарлайды ҚазАқпарат тілшісі.
Қалалық Полиция басқармасы баспасөз қызметінің мәліметіне сүйенсек, 14 тамызда полицияға хабарласқан әйел ұлының жоғалып кеткенін жеткізді. Оның айтуынша, осыдан 2 күн бұрын үйден шығып кеткен баласы сол күйі қайтып оралмаған.
«Полиция қызметкерлері бірден жедел-іздестіру шараларына кірісті. Соның нәтижесінде, 15 жастағы бозбала 4 сағаттың ішінде табылды. Белгілі болғандай, ол 2 күн бойы досының үйінде жатқан», - деп хабарлады ведомство өкілдері.
Қазіргі уақытта тәртіп сақшылары баланың не себепті үйден кетіп қалғанын анықтап жатыр.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.