АСТАНА. 9 желтоқсан. ҚазАқпарат -13 желтоқсанда Премьер-Министрдің бірінші орынбасары Бақытжан Сағынтаев жұмыс сапарымен Мәскеуге барады. Бұл туралы бүгінгі брифингте ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім етті.
Ресми қкілдің айтуынша, бұдан бөлек 12-13 желтоқсанда Қазақстан Мәскеуде өтетін Тәуелсіз Мемлекеттер Достастығы Экономикалық кеңесінің 60-шы отырысына қатысады.
Тараптар ТМД салалық ынтымақтастығы органдарының қызмет атқаруын, құбыр желісі көліктерімен тасымалдау туралы Келісім жобасын әзірлеу барысы туралы ақпаратпен танысады және басқа да Достастықтың өзекті мәселелерін қарастырады.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.