Жарақат алған әскери қызметшінің әпкесі таратқан ақпаратқа сенсек, сарбазды сержант темірмен ұрған. Салдарынан жағы сынған. Содан соң, оны Алматыға апарып, ауруханада ота жасатқызған. Алайда күрделі отадан кейін ем-дом қабылдауға мүмкіндік берудің орнына қайтадан Отарға апарып, рота командирінің үйінде ұстапты.
Онда медициналық және санитарлық күтім болмаған. Бірнеше күн байланысқа шықпаған сарбазды туыстары Отарға іздеп барғанда, осындай жайттардың бетін ашқан.
Айта кетейік, бұған дейін Өскемендегі әскери бөлімдердің бірінде мерзімді қызметтегі сарбаз көз жұмғаны жөнінде жазғанбыз.