14:15, 13 Ақпан 2023

Отбасындағы зорлық-зомбылыққа қатысты шағымдар үш есе өсті

АСТАНА. ҚазАқпарат – Кейінгі бес жылда отбасындағы зорлық-зомбылық деректері бойынша шағым үш есе өсті. Бұл туралы елордада өткен брифингіде ҚР ІІМ Әкімшілік полиция комитеті төрағасының орынбасары Ренат Зұлқайыров айтты, деп хабарлайды ҚазАқпараті.

«Сонымен қатар, бұл оқиғалардың 60 пайызы бойынша полицейлер тиісті әрекет жасай алмады. Себебі зардап шеккен адамдар көп жағдайда арыз беруден бас тартып жатады. Сондықтан арыз болмаса, заңнамаға сәйкес полицей отбасының шырқын бұзатын адамдарды жауапқа тарта алмайды. Тиісті жазасын алмаған бұл адамдар тұрмыстағы зорлық-зомбылықты әдетке айналдырып алады», - деді Р. Зұлқайыров.

Оның айтуынша, биылдың өзінде отбасындағы зорлық-зомбылық салдарын 18 адамның өмірі қиылды.

Сонымен қатар ол Ішкі істер министрлігі тиісті мемлекеттік органдармен заңнамада аталған қылмыстар үшін жауапкершілікті күшейту қадамдарын пысықтап, заңнамалық өзгерістерді даярлағанын жеткізді.

Бұл тұрғыда отбасында жанжал шығаратын адамдарды жауапқа тарту, әкімшілік әрі қылмыстық жауапкершілікті күшейту ескерілген.

Зорлық-зомбылық ҚР ІІМ Қылмыс Қылмыспен күрес Үкімет

Руслан Ғаббасов

Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.