ТАШКЕНТ. KAZINFORM – Дүниежүзілік сауда ұйымына (ДСҰ) қосылу бойынша Өзбекстан мен Үндістан арасында жүргізілген екіжақты келіссөз аяқтады. Бұл туралы ДСҰ мәселелері жөніндегі президенттің арнайы өкілі Азизбек Урунов мәлім етті, деп хабарлайды Kazinform агенттігінің Ташкенттегі меншікті тілшісі.
Азизбек Урунов Өзбекстанның ұмтылысына қолдау білдіргені үшін үндістандық тарапқа алғыс білдірді. Ұзақ уақыт бойы жүргізілген күрделі келіссөздердің нәтижесінде екі ел тиісті хаттамаға қол қойды. Сәйкесінше, құжат ДСҰ-ның хатшылығына жолданды.
Еске салайық, таяуда көршілес елдің президенті Шавкат Мирзиёев жауапты шенеуніктерге Өзбекстанның Дүниежүзілік сауда ұйымына қосылу процесін биыл аяқтау бойынша тапсырма берді.
Бұған дейін Өзбекстанның ДСҰ-ға қосылу процесі кешігуі мүмкін екенін жазып едік. Сонымен қатар ДСҰ-ға қосылу бойынша өзбек тарапы 2024 жылы АҚШ және Қытаймен арада өткен келіссөздерге нүкте қойды.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.