ТАШКЕНТ. KAZINFORM – Өзбекстан астанасында және Ташкент облысында 80-нен астам жабайы жануарды заңсыз ұстағандар анықталды, деп хабарлайды Kazinform агенттігінің меншікті тілшісі.
Фото: pexels.com
Өзбекстанның Экология, қоршаған ортаны қорғау және климаттың өзгеруі министрлігі және Бас прокуратураның қызметкерлері жүргізген тексеру кезінде тиісті рұқсатсыз жабайы жануар асырағандардың әрекеті әшкере болды.
Фото: ӨР Экология, қоршаған ортаны қорғау және климаттың өзгеруі министрлігі
Ресми мәліметке сәйкес, олар 4 арыстан, құстың 9 түрін және өзге де жыртқыштарды ұстаған. Жабайы жануарлардың бір бөлігі Ташкенттегі хайуанаттар бағына берілді.
Фото: ӨР Экология, қоршаған ортаны қорғау және климаттың өзгеруі министрлігі
Еске салайық, былтыр Өзбекстанда хайуанаттар бағындағы тордан шығып кеткен 3 арыстан күзетшіні талап өлтірген еді.
Қоса кетсек, биылдан бастап Өзбекстандағы цирктерде жабайы жануарларды пайдалануға тыйым салынды.
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.