ТАШКЕНТ. KAZINFORM – Өзбекстанның Науаи облысына қарасты Кинемех ауданында жер сілкінді, деп хабарлайды Kazinform агенттігінің меншікті тілшісі.
Өзбекстан Сейсмикалық мониторинг орталығының дерегінше, жерасты дүмпуі бүгін сағат 9:14-те тіркелді.
Эпицентрдегі жер сілкінісінің магнитудасы - 4, ал іргелес Бұхара облысының Гиждуан ауданында 2-3 балл болды.
Айта кетейік, Науаи өңірі Қазақстанның Қызылорда облысымен шекаралас орналасқан.
Қоса кетсек, 1 қыркүйекке қараған түні Ауғанстанда күші 6 балдық жер сілкінісі болып, салдарынан 2200-ден астам адам қаза тапты.
Бұл туралы X әлеуметтік желісінде Талибан қозғалысының ресми өкілінің орынбасары Хамдулла Фитрат хабарлады.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.