АСТАНА. KAZINFORM – Кветта қаласының маңындағы (Пәкістанның оңтүстік-батысындағы Белуджистан провинциясы) шахтада метаннан улану салдарынан 11 кенші қаза тапты. Бұл туралы Reuters агенттігіне сілтеме жасап «Ховар» агенттігі жазды.
«Метанның жиналуы адамдардың өліміне әкелді», – деді Белуджистан провинциясы үкіметінің шахталардың бас инспекторы Абдул Гани Какар.
Кеншілер шамамен 450 м тереңдікте жұмыс істеген. Ал құтқару топтары бірнеше сағаттық жұмыстан кейін олардың денесін алып шықты.
Бас шахта инспекторы апаттың себебін анықтау үшін тергеу жүргізілетінін қоса кетті.
Айта кетейік, бұған дейін Пәкістанда автобус жардан құлап, 28 адам қайтыс болғанын жазған едік.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы