Алты адамнан тұратын жанкештілер тобы сейсенбі күні Пәкістанның солтүстік-батысындағы әскери лагерьге жарылғыш зат тиелген жүк көлігін айдап барып, кем дегенде 23 сарбазды өлтірген, деп хабарлайды Каzinform агенттігі Reuters-ке сілтеме жасап.
Шабуыл Ауғанстанмен шекаралас шалғайдағы Дера Исмаил Хан ауданында болған. Алты шабуылшының барлығы да қаза тапқан.
Бұған дейін қауіпсіздік қызметкерлері қаза тапқандар саны 24 болғанын айтқан болатын.
Армия Дарабан ауданындағы полиция бөлімшесі аумағында базалық лагерь құрды.
«Постқа кіру әрекетіне нәтижелі түрде тойтарыс берілді. Бұл лаңкестерді жарылғыш заты бар көлікті бекетке соғуға мәжбүр етті. Содан кейін шабуыл жасалды», – делінген армия мәлімдемесінде.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы