АСТАНА. KAZINFORM — Қытайдың Ханчжоу қаласында волейболды отырып ойнаудан әлем чемпионатында Қазақстан құрамасы С тобында қорытынды матчын өткізді.
Қазақстандық параволейболшылар бұл жолы Ирак құрамасына қарсы келді.
Бірінші кездесуінде Хорватияны ұтқанымен, кеше Бразилияға есе жіберген Қазақстан құрамасы үшін бұл ойынның маңызы ерекше еді.
Бауыржан Тахауовтың шәкірттері жеңіс үшін барын салып, Иракты 3:0 (25:12, 25:20, 25:19) есебімен тізе бүктірді.
Осылайша, Қазақстан ұлттық құрамасы өз тобында екінші орынға ие болып, плей-офф кезеңіне жолдама алды.
Еске сала кетейік, бұдан бұрын қазақстандық параволейболшылардың әлем чемпионатында бақ сынайтынын жазған едік.
Сондай-ақ қазақстандық параволейболшылар әлем чемпионатын айқын жеңіспен бастады.
Пара волейболдан әлем чемпионатында Қазақстан құрамасы Бразилияға есе жіберді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).