АСТАНА. KAZINFORM — Жапонияда өтіп жатқан V Азия Пара ойындарында волейболды отырып ойнаудан Қазақстан ұлттық құрамасы күміс жүлдеге ие болды.
Бауыржан Тахауовтың шәкірттері финалда 2024 жылғы Паралимпиада ойындары және 2022 жылғы Азия пара ойындарының чемпионы — Иран құрамасымен алтын жүлдені сарапқа салды.
Бұл ойында ирандықтардың фаворит екендігі анық еді.
Шешуші кездесуде Иран командасы 3:0 (25:19, 25:13, 25:12) есебімен жеңіске жетіп, чемпион атанды.
Қазақстан құрамасына күміс жүлде бұйырды.
Еске сала кетейік, бұдан бұрын қазақстандық параволейболшылардың Азия ойындарының жартылай финалына жолдама алғанын жазған едік.
Сондай-ақ Қазақстан пара волейбол командасы Азия ойындарының финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).