ПАРИЖ. KAZINFORM – Франция астанасы Париж қаласында өтіп жатқан Олимпиада ойындарында бүгін еркін күрестен ел намысын қорғаған Юсуп Батырмырзаев алғашқы белдесуінде ұтылып қалды.
125 келіге дейінгі салмақта сынға түскен Юсуп Батырмырзаев бірінші белдесуінде польшалық Роберт Баранға 4:1 есебімен есе жіберді.
Естеріңізге сала кетсек, кеше еркін күрестен екі балуанымыз жарыс жолына шығып, екеуі де бірінші белдесулерінде қарсыластарына жол берген еді.
86 келіге дейінгі салмақта Азамат Дәулетбеков АҚШ балуанынан ұтылса, 57 келіде сынға түскен Мейрамбек Қартбай алғашқы белдесуде қырғыз балуанынан жеңіліп қалды.
Бұған дейін Олимпиада ойындарында брейкдансер Әмір Зәкіровтің алғашқы қарсыластары анықталғанын жазған едік.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.