Жол компаниясы жүргізушілерден жолда абай болуды әрі жол ережелерін қатаң сақтауды сұрады.
— Қысқы кезеңнің басталуына байланысты автомобильдерді қысқы шиналармен жабдықтауларыңызды сұраймыз. Сондай-ақ ауа райының бұзылуына байланысты Павлодар облысы бойынша республикалық маңызы бар автомобиль жолдары жабылуы мүмкін екендігін хабарлаймыз, — деп ескертті.
Айта кетейік, бүгін синоптиктердің болжамынша, Қазақстанның басым бөлігінде жаңбыр мен қар жауады. Кей өңірлерде жел күшейіп, тұман түседі. Ал солтүстік пен батыста жолдарда көктайғақ болуы мүмкін.