Бұл туралы облыстық ІІД баспасөз қызметі мәлім етті, деп хабарлайды pavlodarnews.kz .
«Ертіс орманы» табиғи резерваты Сейтен орманшылығындағы ағаш алабын патрульдеу кезінде тәртіп сақшылары ағаш ұрлаушылардың «үстінен түсті». Қаскөйлер арнайы техниканың көмегімен ағашты кесіп дайындаған. Оқиға орнынан МТЗ-80 және екі тіркеуіші бар МТЗ-82 мемлекеттік тіркеу нөмірінсіз екі трактор алынды. Осы факті бойынша ҚР ҚК 340-бабымен сотқа дейінгі тергеу жүргізілуде. Келтірілген шығын мөлшері 2 млн 256 мың 850 теңгеден астам.