Қалада әлеуметтік нысандар мен жеке секторды орталықтандырылған жылу жүйесіне қосу жұмыстары 14 қыркүйекте басталған. Қала әкімдігінің мәліметінше, қазіргі уақытта барлық әлеуметтік нысан жылумен қамтылған.
— Көпқабатты тұрғын үйлер мен жылу энергиясының өзге де тұтынушылары үшін жылыту маусымы 28 қыркүйекте басталды. Бүгінде Павлодардағы 1342 көпқабатты тұрғын үйдің 1202-сі жылу жүйесіне қосылды, — деп хабарлады қала әкімдігінен.
Қалған көпқабатты үйлерді жылу жүйесіне қосу жұмыстары белгіленген кестеге сәйкес жалғасып жатыр.
Еске сала кетейік, Павлодарда жылу жүйесіндегі апаттарды анықтайтын цифрлық жүйе енгізіліп жатыр.