«Елімізде полиция қызметкерлері «Мектепке жол» қайырымдылық акциясына белсенді қатысып жатыр. Бұл іс-шара жаңа оқу жылына дайындық уақытында жыл сайын дәстүрлі түрде өтіп келеді. Қызметкерлер мектеп жасында болғанмен оқымайтын балаларды анықтап, аз қамтылған және көпбалалы отбасылардан шыққан оқушыларға, жетім, сонымен қатар ата-ана қамқорлығынсыз қалған балаларға, өмірлік қиын жағдайға тап болған отбасылардан шыққан балаларға қолдау көрсетеді», - деді ресми өкіл.
Мәселен, оның дерегінше, Павлодар облысының Ертіс ауданы полиция қызметкерлері 2 көпбалалы отбасыға көмек көрсетті. Бір отбасыда 5 бала болса, оның 4-еуі мектепке барады. Ал екінші отбасында 4 оқушы бар.
«Полиция қызметкерлері кеңсе тауарларының толық жинағын, мектеп формасын, аяқ киім және төменгі сынып оқушысына қажетті өзге де мектеп заттарын сатып алып берді. Өз кезегінде балалардың ата-аналары полиция қызметкерлеріне шынайы ризашылығын білдірді», - деді Нұрділдә Ораз.